KUCHING: Sarawak deka nyendiaka peluang ti besai ngagai raban injinir hidraulik dikena ngambi bagi ba projek pemansang palan penyangkai kapal tasik pintar betikas dunya di nengeri tu.
Premier Sarawak, Datuk Patinggi Tan Sri Abang Johari Tun Openg madah ke palan penyangkai kapal nya sebagi ari pelin strategik nengeri ungkup timpuh 2025 ngagai 2030 nengah tambah belanja penyampau RM100 bilion dikena meransang ekonomi.
“Tasik di menua Kuching sigi pabu, tang Perintah Sarawak udah bisi chara mutar ke pekara nya, kelebih agi ba pengawa ngaga palan penyangkai kapal.
“Nya alai, kitai begunaka mayuh raban pengereja pengawa injinir, Sarawak mega begunaka injinir hidraulik ti pintar sereta bisi peneleba dalam injinir hidraulik, kelebih agi dalam sistem ai enggau pengawa ngaga pulau,” ku iya.
Abang Johari bejaku munyi nya rambau Pengerami Makai Lemai Ninting Taun Institut Injinir Malaysia (IEM) Sarawak 2024 ba Palan Aum Borneo Kuching (BCCK), malam tadi.
