KUCHING: Sarawak Energy Berhad (SEB) enggau Roche Pharmaceuticals Malaysia udah nyain Sempekat Pemereti Ati (MoU) dikena nambahka akses pesakit berubat riman tusu di Sarawak.
Tuai Pegawai Eksekutif SEB, Datuk Sharbini Suhaili madah, SEB udah lama nyaup pemansang sosio-ekonomi nengah pengawa ngemanahka infrastruktur enggau akses ngagai perengkaguna perubat di menua pesisir.
“Program tu dikena ngelala model mayar ungkus berubat ngambika ulih ngelempung tating belanja sereta nentuka chara berubat ti inovatif dalam standard ngintu pesakit ti meruan sereta manah.
“Kami mega deka mantu ngenegapka program pengerai komuniti enggau fokus ngagai pengawa nyaga pengerai ti ulih diakses, nyidi penyakit tumu, enggau pelajar perubat ungkup komuniti menua,” ku iya.
Sharbini madah munyi nya lebuh bejaku beserimbai enggau program nyain MOU entara SEB enggau Roche Malaysia, ba Sepital Besai Sarawak (SGH), ditu tadi.
