Servis kaunter, online JTS udah dibuka sehari tu

KUCHING: Semua Opis Tanah enggau Survei Sarawak udah berengkah gawa kemari seriris enggau Standard Atur Pengawa (SOP) sekumbang Atur Tagang Pejalai Besyarat (PKPB).

Nitihka penerang ari Opis Tanah enggau Survei (JTS) Sarawak, jam enggau hari gawa baka selama, Hari Satu ngagai Hari Lima nitihka servis.

Ninting Hari Satu ngagai Hari Empat, kaunter servis pagi deka gawa ari pukul 9 pagi ngagai 1 lemai lalu kaunter servis lemai ari pukul 2 lemai nyentuk 4 lemai.

Hari Lima, kaunter servis pagi ari pukul 8.30 pagi ngagai 11.30 pagi lalu ditampung baru pukul 2.30 lemai ngagai 3.30 lemai.

Sekeda ari servis bisi disedia muakka pagi iya nya surat ari luyar, peminta ungkup mensia mayuh baka lenyau pala tanah, peminta ngagai transmisyen (AT) enggau sempekat mindah (TL) deka dipejalai ba sekeda bagi menua.

Udah nya, kaunter servis muakka lemai ungkup pengawa nganjung instrumen aja lalu nadai servis ungkup pekara bekaul fizikal enggau Extracts of Title deka disedia ba kaunter sekumbang timpuh PKPB tu.

Mensia mayuh tau macha penerang silik nengah pelasar online ba eLASIS, website https://elasis.sarawak.gov.my/ tauka ba mLASIS ari aplikasyen telefon LASIS ti ulih dibatak nadai bebayar ari Google Play enggau App Store.