KAPIT: Sherry Anderson udah mujur ngempu gelar Ratu Agrofest Kapit 2019 pengudah ngalahka tujuh iku pemekit bukai.
Sherry ari Tatai Kenyalang pulai mai perais mata duit RM1,500 disempulang jumpang, segupung bungai, hamper, trofi enggau pemeri bukai.
Udah nya, Caroline Freedly bulih gelar lumur dua lalu mai perais mata duit RM1,300 segupung bungai, hamper, trofi enggau pemeri bukai.
Kelimpah ari nya,Caroline Lika Undi udah bulih lumur ketiga ba pekit tu lalu mai perais mata duit RM1,000 enggau pemeri ke bukai
Ba kategori Penengkebang Fesyen Pemadu Manah, dia ngemataka Carolina Remong nyadi pemenang.
Ba kategori Miss Personaliti dipenggi Doris Ungan ke ngena plat lumur 5.
Kartini Daud udah dipadu bulih gelar Pemerindang Pemadu Manah lalu semua sida tu tadi bela bulih perais ari raban pemeri belanja.
Ba penuduk sagu ati udah diberi ngagai Kartini Daud, Doris Ungan, Carolina Remong, Carolyne Kamba enggau Jenny Len
Pekit tu diatur Opis Betanam Betupi beserimbai enggau pengerami Agrofest Kapit 2019 begulai enggau Serakup Indu Dayak Sarawak (SIDS) Pampang Kapit.
Nangkan ke nya, pekit tu udah dipejadi Kaban Adun Bukit Goram, Jefferson Jamit Unyat sereta disempulang bala pemesai ke bukai.
