Siku lelaki gian dadah mujur ditan JKP Miri

MIRI: Siku lelaki dipelaba benung gian dadah ditan raban Komiti Peranak Miri (JKP) Miri pengudah mandangka ulah ti enda mereti ngeris motosikal inggar ba jematan lambung Jalai Lawit Pujut, dini hari kemari.

Ketuai JKP Miri Malateh Mahmud madah ulah nya ditemu urung pukul 2.55 pagi, raban pematau mujur nangkap lelaki nya laban ngelaban arus jalai deka ngelarika diri.

“Saspek ngaku diri guan dadah lalu nyabak nesal ke penyalah diri, saspek udah dianjung ngagai Ejensi Antidadah Nasional (AADK),” ku iya ditu kemari.

Ba sebengkah agi penyadi ba endur bukai, raban JKP Miri mujur ngemutanka ulah nguji enchuri tali karan ba sebuah premis enda jauh ari palan bebeli barang Boulevard, urung pukul 2.15 pagi, ba hari ke sama.

Malateh madah, penusah nya ditemu nyadi ba Jalai Lawit Pujut lebuh lelaki ke enchuri nya nguji ngelaban arus jalai laban deka ngelarika diri.

Tandu iya, lelaki nya nguji lari nuju bala bukai ke sama enggau iya enchuri sereta ninggalka basikal enggau buah ke dichuri.

“Semua asil ke dichuri nya bela dirampas,” ku iya.