SARIKEI: Program Sarawakku Sayang (SKS) Sitak Sarikei 2026 mujur ngerikod penatai 115,150 mensia mayuh sepemanjai tiga hari program nya diatur ba Kompleks Lumba Sarikei.
Penyampau nya pemadu mayuh kala dirikod SKS naka ke diatu, nyengkaum program ba Sitak Sibu sebedau tu ti ngerikod penatai 102,049 mensia mayuh.
Tu bela mandangka mensia mayuh nimbal manah program nya ti nyendiaka macham servis, aktiviti, pemerindang sereta peluang ekonomi.
Sepemanjai program nya diatur bisi 158 iti kaunter ari 47 agensi perintah enggau prebet datai ngemujurka program nya.
Program bela dirichah enggau aktiviti baka Sukaneka Rayat, e-Pekit enggau aktiviti lumba ungkup mensia mayuh.
Kelimpah ari nya, mensia mayuh bela beperindang ba Malam Budaya Sarawak enggau Konsert Rayat. — EDISI UKAS
