Staf Sarawak Energy diperansang ngena Sarawak Pay

KUCHING: Serikat Sarawak Energy meransang semua pengereja pengawa sida ngena aplikasyen Sarawak Pay enggau e-wallet nengah promosyen insentif staf ngambi nambahka penyampau penguna ngena aplikasyen online ba serikat nya.

Pengawa ngena aplikasyen Sarawak Pay nya pelasar mayar cashless ngambi nyukung inisiatif Perintah Sarawak lebuh ngemansang agenda ekonomi digital.

“Nyadi sebagi ari agenda tu, bil karan ba Sarawak mega deka dibayar nengah aplikasyen Sarawak Pay.

“Aplikasyen tu manah laban ulih ngemanah integrasyen ngagai komuniti ba menua tu,” ku terang iya.

Dikena nyapai pengawa ke sikar agi enggau ngelimat belanja, Sarawak Energy mega ngepunka inisiatif dagang moden disengkaum mayuh aspek atur pengawa dagang.

Inisiatif tu nyengkaum nerang pasal bayar gaji nengah Sistem Tenaga Rayat Sarawak (SEPS) enggau kunterik sereta penerang ti sistematik nengah Sarawak Energy e-Procurement (SEPRO) dalam taun 2019.

“Sistem tu setipak enggau juluk kami nyadi utiliti digital ba taun 2025 ngena teknologi lebuh bejalaika pengawa kami.

“Kami mega deka nunjukka pemesai guna teknologi enggau pemanah digitalisasyen lebuh nyapai tuju nyadi kuasa serantau,” tandu iya.

Dulu ari nya, Sarawak Pay dilanchar Perintah Sarawak dalam taun 2017 ti nyendiaka e-wallet sereta nyendiaka bayar digital ba pekara utiliti, sewa tanah enggau premium sereta barang enggau servis.

Suara Sarawak