KUCHING: Komiti Penyangga Penusah Ngenyit Nengeri (JPBN) Sarawak setuju bejalaika Atur Tagang Pejalai Besyarat (PKPB) bepelasarka strategi Sarawak.

Sapit Kepala Menteri Datuk Amar Douglas Uggah Embas madahka bisi tiga chara Sarawak bejalaika strategi nya.

“Chara keterubah deka ngaluska Standard Atur Prosedur (SOP) lalu ditangkan enggau pengawa nyikap bala pemegai puku biasa enggau SOP sereta atur ke udah ditetapka nya.

“Kebuah pia ngambika bala pemegai puku meretika pengawa nyaga pengelikun baka nyaga takah sereta nyaga pemeresi diri,” ku iya madah ba aum pemberita ba Begunan Dun Lama, tadi.

Nangkan nya ku iya chara ketiga iya nya bejalaika operasyen matau SOP ba dua kategori, zon mirah enggau kuning sereta zon gadung.

“Tuju strategi tu digaga ngambika pengawa dikemendar lebuh PKPB ulih dipejalai enggau chara ti enda mai penusah ngagai pengerai rayat.

“Kami mansik SOP tu sekalika patut tauka enda digaga di Sarawak sebedau dipejalai,” ku iya ti mega Chairman JPBN.