KUCHING: Bisi 284 graduet ari Universiti Teknologi Swinburne Pampang Sarawak dirami ba konvokesyen universiti nya ba Palan Aum Borneo Kuching (BCCK), ditu tadi.
Program ngerami raban nembiak tu dipenyadi Premier Sarawak ti mega Pro-Chanselor Swinburne Sarawak, Datuk Patinggi Tan Sri Abang Johari Tun Openg.
Ba konvokesyen tu, 243 iku nembiak graduet laban nembuka Degree ke alai 114 iku graduet ba bidang dagang, 55 iku ba bidang injinir, 53 iku ba bidang komputer, 11 iku ba bidang langkar enggau tiga iku ba bidang sains.
Konvokesyen nya ukai semina dirami nembiak menua Malaysia aja, tang mega nembiak menua luar nyengkaum ari Australia, Bangladesh, Brunei Darussalam, China, Mesir, India, Indonesia, Kenya, Mauritius, Pakistan, Sri Lanka, Taiwan, Arab enggau United Kingdom.
