Tagit ekonomi pemadu tinggi

KOTA SAMARAHAN: Inisiatif Jalai enggau Rentayan Penyambung mantu mai ekonomi Sarawak ngagai tikas pemadu tinggi.

Kepala Menteri Datuk Patinggi Abang Johari Tun Openg madah, inisitif jalai enggau rentayan penyambung tu siti strategi pemansang beguna amat dipejalaika Perintah China ti meransang kaul kerejasama ekonomi entara menua ba sepemanjai rentayan penyambung nya.

“Inisiatif tu udah nitihka atur dikena nambahka pejalai ekonomi ngatika diri lalu ngena pengeraja enggau chara betul.

“Sarawak deka bulih penguntung enti kitai beratika makit baru nengah inisiatif tu,” ku iya.

Teks jaku iya dibacha Sapit Kepala Menteri ti mega nyadi Menteri Infrastruktur enggau Pemansang Penyangkai Kapal Tan Sri James Jemut Masing lebuh bejadika Aum Besai Entarabansa Keterubah Jalai enggau Rentayan Penyambung (ICBR) 2020 ba Universiti Teknologi Mara (UiTM) Kampus 2 Pampang Samarahan ditu, tadi.

Suara Sarawak