ARTIKEL

Tanah NCR disukat nitihka peminta

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Perintah enda bejalaika Program Nyukat Tanah Adat Bansa Asal (NCR) Inisiatif Baru chara bemusin tang semampai dipejalai nitihka peminta.

Sapit Kepala Menteri Datuk Amar Awang Tengah Ali Hasan madah, staf Opis Tanah enggau Survei (JTS) Sarawak mega ditambah ngambi bejalaika pengawa nyukat kelingi tanah.

“Perintah Sarawak seruran ngaku enggau ngetanka hak rayat ba tanah NCR sida enti nya sah tanah sida nitihka atur undang-undang.

“Perintah mega udah nambahka penyampau tubuh staf gawa ngambi ngerumban pengawa nyukat tanah NCR nentuka pengempu tanah NCR bisi dokumen, tanah bisi entara enggau enda diserungkai,” terang iya.

Awang Tengah ke mega Menteri Pemansang Mengeri enggau Pengeraja Asal II mansutka jaku nya ba Pengawa Nyuaka Surat Pala Tanah Seksyen 18 Kanun Tanah Negeri ungkup Kampung Nusah enggau Kampung Sebalik Tiris Bekenu di Miri, kilah ensanus.

Terang iya, kenyau ari taun 2010 nyentuk diatu, JTS Sarawak mujur nyukat kelingi tanah pemesai urung 999,853 hektar (2.47 juta ikar) ari 776,226 hektar atau 1.9 juta ikar udah digazet.

“Nya mih penyauh bida pengawa nyukat nengah Program Nyukat Tanah NCR Inisiatif Baru (2010 nyentuk diatu) dibanding program nyukat tanah chara lama (1960-2010).

“Nya siti program nyukat ke mujur enggau beguna amat nentuka sitak tanah NCR sereta direjister dalam rejister tanah enggau Gazet Rizab Komunal Bumiputera di baruh seksyen 6 Kanun Tanah Negeri dikeluar,” terang iya.

Ku iya, pengawa nyukat tanah chara lama tu lubah dipejalai ba timpuh 50 taun nya (1960-2010).

Iya madah baru, urung 260,000 hektar (642,460 ikar) tanah NCR ti mujur disukat lalu chara pukul rata semina pemesai 5,200 hektar tanah NCR ulih disukat setaun taja nerima mayuh peminta nyukat tanah NCR tu.

Awang Tengah mega madah, sida ke nagih tanah NCR mesti meri kerejasama penuh ngagai JTS Sarawak nentuka pengawa nyukat lot ngatika diri ulih lanchar dipejalai.

Iya madah, tu nyengkaum ngelala entara tanah enggau pengawa ngerintis, nadai sebarang laya berebutka entara sereta sida ke ngempu tanah mesti datai lebuh pengawa nyukat tanah dipejalai.

Naka diatu, sepenyampau 46,346 lot ngatika diri udah mujur disukat mungkur tanah pemesai 55,970 hektar (138,305 ikar) ti udah enggau deka dipansutka surat pala tanah di baruh Seksyen 18 Kanun Tanah Negeri.

“Surat pala tanah Seksyen 18 bisi pengelebih baka pengempu tanah enda ibuh mayar bayar premium, chukai tanah enggau fi bukai sereta sida deka ngempu tanah nya belama iya,” terang iya baru.

Awang Tengah mega udah ngasuh JTS Sarawak ngemeratka Program Nyukat Tanah NCR Inisiatif Baru ngagai semua sitak enggau bagi menu aba selampur Sarawak mungkur semua raban bansa bumiputera ke bisi hak ba tanah adat bansa asal.

“Perintah seruran ngaku enggau ngetanka hak semua raban bansa bumiputera ke sah ba tanah NCR sida.

“Aku ngarapka kita ngena manah tanah nya. Anang sesekali nyual tanah ketegal deka bulih untung.

“Manah kitai ngemansangka tanah nya ungkup pemansang komuniti dudi hari,” ku iya nyemetak madah.

Nangkan nya, sepenyampau 362 Surat Pala Tanah Seksyen 18 KTN ungkup sitak Kampung Nusah Ulu Satap enggau Kampung Sebalik Tiris disua ngagai raban bansa Melayu/ Kedayan.

Sama datai Menteri Muda Orang Indu enggau Pemansang Anak Mit Sarawak, Datuk Rosey Yunus, Adun Lambir, Ripin Lamat, Penguasa Tanah enggau Survei Miri, Anthony Aboi sereta Residen Miri, Abdul Aziz Yusuf.

BERITA LAIN

BERITA TERBARU

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup