Tiga kes baru Covid-19

KUCHING: Sarawak ngerikod tiga kes baru dipelaba Covid-19 (PUI), ditu tadi.

Nitihka penerang ari Komiti Penyangga Penusah Ngenyit Nengeri (JPBN), dua kes dirikodka di Sepital Besai Sarawak lalu siku di Sepital Bintul.

Tiga iku ke dipelaba dirampit Covid-19 nya peranak Malaysia empu.

Berindik ari nya, penyampau kes PUI dirikod ba Sarawak niki ngagai 115 kes kenyau ari 10 Januari tu tadi.

Taja pia, bisi 111 udah ditemu negatif lalu empat agi nganti pemutus ari makmal.

Nitihka rikod, ari 115 PUI, bisi 91 peranak Malaysia, peranak menua China (21) sereta bela siku peranak Thailand, Indonesia enggau Kanada.

Suara Sarawak