BINTULU: Tim Belia 69 menggi gelar Pekit Futsal Betutup Komuniti Pelilih Sebauh Edisyen 2023 ba gelanggang futsal Pasar Sebauh, lemai tadi.
Nya ngujung ke Tim Belia 69 mai pulai perais mata duit RM1,200, trofi enggau midul seraya Tim Gelamians bulih RM700, trofi sereta midul.
Lumur tiga dipenggi Tim Unique lalu mai pulai perais mata duit RM500 enggau midul.
Pemain Tim Gelamians, Gibbly Dayung Nyaring dipadu Pemain Pemadu Nyulut seraya Justin Jerry ari Tim Belia 69 dipilih Pemain Masuk Gol Pemadu Mayuh ba pekit diatur Raban Nembiak PBB Pati Rumah Nyipa Tingang enggau Gerempung Lumba Rumah Herman Lanying, Kuala Pandan, Sebauh.
Perais ungkup bala pemenang udah disuaka Exco Supreme Kaunsil PDP, Saging Layang ngarika Kaban Parlimen Bintulu, Datuk Seri Tiong King Sing.
