BINTULU: Tubuh siku orang tuai ti diripot lenyau pengudah bot ditepan iya karam di Sungai Anap kena Hari Tiga tu tadi mujur ditemu pagi tadi.
Tubuh niang Lila Jali, 69, ari Rumah Antau Sait ditemu anak iya di tebing Sungai Sangan urung pukul 8 pagi.
Bilik Operasyen Bomba Sarawak madah, raban sida dipadah pasal pengawa tetemu ke tubuh niang pukul 8.15 pagi sebedau lengkas ngelawa palan nya.
“Kami bisi dipadah tubuh niang mujur ditemu anak iya empu ti bela ngambi bagi ba operasyen ngiga enggau nyelamat (SAR),” ku iya.
Tampung iya, tubuh niang dibai ngagai Pos Operasyen Bomba (PKB) lalu diserah ngagai raban polis ungkup atur bukai.
Berebak enggau pengawa tetemu ke tubuh niang nya, operasyen nya diketu pukul 11.30 pagi.
