ARTIKEL

Samuel (duduk tengah) sereta Arul Rajoo (duduk dua kanan) begambar enggau bala pegawai UKAS sereta JaPen Sarawak. - Foto: UKAS

UKAS dan JaPen Sarawak megai tanggungpengawa ngatur palan media SUKMA & Para SUKMA XXI Sarawak 2024

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Unit Komunikasi Awam Sarawak (UKAS) enggau Opis Pemadah (JaPen) Sarawak deka megai tanggungpengawa nyadi pengatur palan media bagi Lumba enggau Main Malaysia (SUKMA) sereta Para SUKMA XXI Sarawak berengkah ari 17 ngagai 24 Ogos enggau 22 nyentuk 28 September ke deka datai.

Bekaul enggau pekara nya, UKAS udah ngatur siti woksyop, iya nya Woksyop Pengatur Palan Media SUKMA enggau Para SUKMA XXI Sarawak 2024 ba pengelama dua hari berengkah Hari Dua ba sebuah hotel di Kuching ditu.

Direktor UKAS, Samuel Simon, datai bejadika woksyop nya lalu pengawa nutup woksyop deka dipenyadi Sapit Menteri ba Opis Premier Sarawak (Pekara Korporat, Pemadah enggau UKAS), Datuk Abdullah Saidol, Hari Tiga tu.

Woksyop ke digulu bala pegawai UKAS ari tiap sitak menua enggau pegawai ari indu opis UKAS, Kuching deka diberi penerang ti bekaul enggau pengawa ngatur palan media ti dikenataika Tuai Pengarang Serakup Berita Nasional Malaysia (BERNAMA), Arul Rajoo Raj, Tuai Penulung Direktor Bagi Media enggau Komunikesyen Korporat (BMKK) JaPen Sarawak, Ajes Tuah, enggau Tuai Penulung Direktor Bagi Media Siber (BMS) JaPen Sarawak, Sri Kestury Mohammed Zamhari.

Samuel ba jaku iya nyemetak minta sida ti megai tanggungpengawa meseti meri komitmen penuh ba tuju mantu media ngulihka penerang lalu nyaga nama manah palan media di Sarawak ba mata pengarang berita menua bukai.

“Pekara tu patut diseliahka kitai laban tau nekul pemujur pengawa ngatur SUKMA ti ukai semina ngemeratka pengawa lumba enggau main aja.

“Palan media beguna besai dikena meri kerejasama ke pemadu manah ngambika nadai pekara ke enda manah nyadi ba kitai (staf palan media) enggau pengarang berita,”ku iya.

Bela datai maya nya, Sapit Direktor UKAS, Joachim Paggang Jabong, bala Pegawai Kanan UKAS, pengari ari JaPen Sarawak sereta bala bukai.

BERITA LAIN

BERITA TERBARU

Impian enam tahun tercapai, terima kasih Datuk Ding !

BINTANGOR: Impian enam tahun seorang remaja perempuan untuk mendapat kelulusan taraf kewarganegaraan akhirnya kesampaian apabila permohoban itu diluluskan oleh Kementerian Dalam Negeri (KDN). Permohonan remaja