Anjung jampat peminta KGC

KUCHING: Sepenyampau 74,613 iku orang tuai udah mantaika peminta ngagai Kenyalang Gold Card (KGC) selampur Sarawak.

Menteri Pengintu Pengelantang Pendiau, Komuniti, Orang Indu enggau Pemansang Anak Mit (KWKPK) Datuk Seri Fatimah Abdullah madahka penyampau nya sama enggau 22 peratus ari pemayuh tubuh orang tuai bisi di menua tu.

“Penyampau tubuh sida tu diperati agi mimit engka ketegal KGC bedau dipenyadi sereta dikelala.

“Nya alai aku ngarap sereta meransang udah tu mayuh agi orang tuai nganjung peminta KGC,” ku iya.

Fatimah madah munyi nya lebuh bejaku ba pengawa nyain Sempekat Pemereti Ati (MoU) KGC ba sebuah hotel tebilang ditu tadi.

Suara Sarawak