Kanowit: Kaban Kaunsil Nengeri (Adun) Ngemah Alexander Vincet udah matau sereta ngabas taba projek Program Ngemanahka Rumah Rayat Seranta Sarawak di Rumah Daniel Rangkong, Sungai Bawan ba ditu, kemari (Hari Lima).

Iya madah sekeda peranak rumah panjai dia deka nerima projek nya.

Iya nerang, projek tu ari perintah nengeri dikena mantu rayat ti kurang penatai pemisi.

“Tu meh perintah Gabungan Parti Sarawak (GPS) chukup ibuhka nasit rayat laban GPS endang ngemeratka pekara ke diguna rayat,” ku iya nambah.

Alexander madah, iya deka meda pemansang projek nya lalu deka projek nya dipejalaika jampat ngambi meri pengelantang ngagai rayat.

NGABAS PROJEK… Alexander (depan,kanan) begulai enggau peranak rambau ngabas projek bantu rumah rayat di Rumah Daniel, Sungai Bawan, Kanowit.

Kenu ku iya, penerima projek tu ari raban ke kurang penatai pemisi laban bisi sekeda perengka rumah enda manah lalu patut diseruri jampat.

“Projek tu digaga dikena mantu raban orang seranta ngaga rumah sida ke udah lama nya” ku iya.

Iya madah, projek nyeruri tu ba fasa keterubah enggau fasa ke bukai deka digaga berenggat.

“Aku meri tanda puji ngagai Kepala Menteri Datuk Patinggi Abang Johari Tun Openg laban meri perati ngagai peranak ba sitak aku.

“Projek tu ulih mantu ngelempungka penusah rayat,”ku iya nambah.

Suara Sarawak