Kaunsilor baru semina ari GPS

KUCHING: Nadai kunsilor dichiri ari kaban Parti Sarawak Bersatu (PSB), ku Kepala Menteri Datuk Patinggi Abang Johari Tun Openg.

Nitihka iya, kunsilor baru Opis Kaunsil Kandang Menua (PBT) semina diarika komponen parti Gabungan Parti Sarawak (GPS).

GPS bediri ari empat komponen parti iya nya Parti Pesaka Bumiputera Bersatu (PBB), Parti Rakyat Sarawak (PRS), Parti Sa’ati Rayat Sarawak (SUPP) enggau Parti Demokrtik Progresif (PDP).

“Ya, endang amai, kunsilor baru endang ari GPS enggau nadai ari PSB.

“Penerang pasal sapa kunsilor baru deka ditemu pengudah dikenuku Tuai Pemegai Menua (Tun Pehin Sri Dr Haji Abdul Taib Mahmud),” ku iya.

Abang Johari bejaku munyi nya lebuh bejadi ‘Festival MIND & STEM 2019’ ba Sekula Chung Hua Tengah No 1 ditu, kemari.

NERANG…Kepala Menteri Datuk Patinggi Abang Johari Tun Openg (tengah) benung nyaut tanya pemberita ba ‘Festival MIND & STEM 2019’ ba Sekula Chung Hua Tengah No 1 ditu, kemari – Gambar NADIM BOKHARI

Suara Sarawak