Pendingka sebana apai indai irauka pengelikun anak

KUCHING: Komiti Gempung Apai Indai Malaysia (Mapim) Sarawak nerima mayuh sebana sentang pengirau ati apai indai bekaul enggau pengawa muka baru sekula pagila (15 Julai).

Tuai Pemegai Mapim Sarawak, Omar Immun, madah, sida irau berindik ari sekeda kes baru positif Covid-19 dirikod ba Kuching.

“Tebal agi sida madahka diri irau laban bisi kes positif nya datai ari peranak menua tu empu sereta bisi kluster baru Covid-19 dirikod.

“Tu ngujungka apai indai ngansak piak sekula minta penerang nyentuk ari piak bekuasa ditu,” ku iya ba sebengkah penerang berita tadi.

Tambah Omar, semua piak patut seruran bejejaga lalu anang ilap laban igi penyakit ke ngerekai nya apin pukas.

Suara Sarawak