KUCHING: Sebelas iku nama chalun Parti Rakyat Sarawak (PRS) ti disadang deka bediri rambau Pengawa Bepilih Besai Nengeri (PRN-12) ti deka datai udah dianjung ngagai Kepala Menteri (KM) Datuk Patinggi Abang Johari Tun Openg.
Sapit Presiden PRS Datuk Joseph Salang Gandum madahka nama chalun dianjung ngagai Abang Johari ungkup diperundingka laban iya Chairman GPS lalu madahka PRS udah besedia napi PRN ti deka datai.
“Niang Tan Sri James Jemut Masing udah ngatur manah parti sebedau iya sakit.
“Nya alai, kami semina nitihka juluk ati iya nangkan ke tu,” ku iya lebuh ditanya pemberita sepengudah Aum Media Khas di Wisma Bapa Malaysia ditu, pagi tadi.
Ku iya, Abang Johari udah nerima semua penerang ti patut sereta deka ngatur pekara nya enggau manah kelebih agi sapa chalun ti deka bediri enggau ngetanka penuduk.
