12 utai nyelai di dunya injau
Ai Wong Guaira

Bepalan ba Sungai Parana ba adan menua Brazil-Paraguay tu nyadi ai wong ke pemadu besai ba dunya. Tu beduduk ari wong tu ke ulih ngasilka 1750,000 penyampau ai ninting sikin enti dibanding enggau Ai Wong Niagara ti semina ngemansutka 70, 000 penyampau ai.

 

Iceberg B-15, Antartika

Ba Antartika, gunung ais B-15 siti gunung ais ti pemadu besai ke udah kala diripot ba dalam sejarah. Iya siti gunung ais ke lebih besai dibanding enggau Pulau Jamaica enggau pemesai tanah nyapai 3100 km.

 

Tasik Don Juan, Antartika

Kebatang iya, laut ke pemadu masin ba dunya ukai Laut Mati tang Tasik Don Juan ba Antartika. Enti dibanding enggau Laut Mati, tasik tu lebih 8 kali ganda ngembuan tikas garam enggau pemasin.

 

Pegung ai angat Rotorua

Rotorua siti mengeri ba selatan tasik ba Teluk Plenty di sebuah pulau ba utara New Zealand. Pegung ai angat mega nyadi palan ti narit ati mensia mayuh ke datai meda rampa menua kitu lebih agi ba Pohutu Geyser, Whakarewarewa.

 

83-42, Kutub Utara

Semina endur 83-42 dipechaya ngembuan sebidang tanah ba Kutub Utara enggau pemesai tanah semina 35m x 15m sereta peninggi semina 4m aja.

 

Utai tumbuh ba Pulau Socotra.

Socotra siti ari endur ke pemadu nyelai ba dunya tang bisi nyadi ba menua Yaman. Ditu bisi utai tumbuh ti nyelai ba pun kayu baka sarang alien enggau ke bukai.

 

The Great Dune of Pyla, Perancis

Ba Eropah, siti bukit pasir ke amat nyelai dikelala enggau nama The Great Dune Of Pyla. Iya ngembuan pemanjai 3 km enggau lebar 500 m sereta 100 m peninggi.

Kawah Meteor, Amerika syarikat

Kawah Meteor ba Amerika Syarikat tu nyadi beduduk ari meteor ke kala labuh ke nyadi 50000 taun lalu ba zaman Pleistonace lalu urung 69 km ba timur Flagstaff semak enggau Winslow ba Gurun Utara Arizona.

 

Gunung Roraima, Venezuela, Brazil, Guyan

Gunung Roraima tu bebida ari gunung ke bukai. Gunung batu tu nyelai ari ke bukai laban bentuk ke sebaka enggau mija lalu tinggi agi ari remang sereta peninggi gunung tu ulih nyapai sampai 400m.

 

Pintu Neraka di Turkmenistan

Palan tu dikumbai Pintu Neraka laban bisi lubang besai ti berapi urung 70 m sereta mansut ke api kenyau ari 35 taun ke udah. Ba taun 1971, raban geologi kala datai ngagai endur tu ketegal ka bejalai ke pansik enggau silik tang enda mukai-mukai dia api lalu pansut nyembur sereta nganchur ke semua perengka ke dikena sida ngujung ke palan tu enda agi diabas raban geologi.

 

Pulau Tromelin

Ba taun 1761, kapal serikat India Timur nganjung 142 krew enggau 160 kuli ngagai pulau nya. Urung 200 ari sida mujur datai ba Pulau Tromelin, tang enda ulih pulai ari nya semina lapan iku aja idup. Pekara ti ngalitka ati, alapn iku sida tu mujur diselamatka sebuah kapal Perancis pengudah 15 taun tepejuh ba pulau nya.

 

Pulau Anak Patung

Maya Julian S. Barrera ngaga rumah ba pulau Xochimilco di Mexico, dia iya ninga jerita pasal semengat anak mit indu suah ngeregau kandang menua nya. Dikena munaska sumpah nya, dia iya ngantung mayuh anak patung ba pun kayu di pulau nya. Lelaki nya taja udah mati tang anak patung ke digitang iya ba pulau nya chukup ngenakut tauka ngasuh remban taja dipeda maya siang hari.

Suara Sarawak