TATAU: Dua puluh orang ngulu Dialog Nanam Lada 2024 ti diatur Kaunsil Lada Malaysia Bintulu ba Bilik Aum Opis Pelilih Tatau.
Ku Kepala Opis Kaunsil Lada Malaysia Pampang Bintulu, Nicodemus Arin Jalai, siti kebuah dialog nya diatur ngambi ngemansang 1,650 hektar endur nanam lada.
“Tuju iya ngambi meransang pengawa ngasil lada premium tauka nambah rega enggau meri perengka nginjin sereta fasiliti infrastruktur ladang.
“Kebuah bukai iya nya nambah pengelandik pekebun ngambi produktiviti ulih dikemanahka agi kelimpah ngasuh baka pekebun ngena Pengawa Betanam Manah (GAP),” ku iya.
Ku iya agi, dialog nya mega dikena ngadu siti sistem pengkalan data pekebun ti ulih nyadi malin dikena merambu polisi bekaul industri ti bisi di menua tu.
Iya ngarap bala tuai rumah ti bisi datai ulih ngenataika penerang pemadu baru bekaul enggau bantu dikena nanam lada.
