KUCHING: Opis Menteri Komunikasyen udah mujur numbuhka 356 tiang telekomunikesyen 5G di Sarawak naka diatu.
Sapit Menteri Komunikasyen, Teo Nie Ching madah, pengawa ngaga tiang arus penyambung (5G) tu engka ulih dirumban lengkas agi enti nerima kerejasama enggau bantu raban bukai.
“Bisi agi bedau tembu, tang kami ngasaika nengah kerejasama enggau bantu Perintah Sarawak nengah iring Premier Sarawak, Datuk Patinggi Tan Sri Abang Johari Tun Openg, raban kunteriktor enggau raban bukai, kitai deka ulih nembuka pengawa ngaga tiang tu jampat agi,” ku iya.
Nie Ching bejaku munyi nya lebuh ditanya pemberita pengudah bejadika pengawa ngabas PoP ba Sekula Primari (SK) Santubong ditu, tadi.
Ngelansa silik agi, iya madah, tikas arus 5G di selampur Malaysia naka ujung bulan November diatu udah manggai 76.1 peratus.
