ARTIKEL

36 sikin aja Jojo ngalahka Tabares

Facebook
Twitter
LinkedIn
WhatsApp
Telegram

SEMINA 36 sikin aja endur jaguh Muay Thai Sarawak, Muhammad Johan Ghazali tauka tampak agi dikangau Jojo ngalahka champion Muay Thai Antarabansa WBC, Edgar Tabares ba kelang Primetime US, ONE Championship.

Jojo ti keterubah iya tama kelang Primetime US udah ngalahka Tabares enggau pemutus knockout (KO) lalu mujur nerima bonus USD$50,000.

Nama Jojo,17, nyarih disebut mensia mayuh pengudah iya ngempu gelar champion ngalahka Tabares ari Mexico ti ngembuan peneleba lebih ari 10 taun.

“Aku deka bebendar belatih enggau nyikap diri udah tu, terima kasih nuju penyukung Malaysia enggau Thailand lalu terima kasih mega nuju kami sebilik di USA,” ku saut Jojo pandak.

Stadium Tinju Limpinee ba Bangkok, Thailand nyadi saksi enggau bukti Jojo majak kering sereta udah ngalahka champion Muay Thai Antarabansa WBC nya.

Ngelansa dalam agi lebuh dirandau, Jojo madahka nama iya udah narit ati mensia mayuh ba serata dunya nengah pemujur nya.

“Ari pemujur ba Pekit Muay Thai, aku nerima chukup mayuh timbal enggau puji sereta nyadi inspirasyen ngagai mayuh orang kelebih agi ba Malaysia.

“Ngena peluang tu, terima kasih laban udah meri peluang ngagai atlit Muay Thai ba kar ngambi ulih ngangkatka agi lumba nya ba panggau dunya,” ku iya nengah randau enggau ONE Championship Thailand.

Dulu ari nya, Jojo nurai sejarah pengudah mujur bulih kunterik ONE Championship Thailand penyampau AS$100,000 tauka RM467,000 sereta nyadi atlit pemadu biak nempa penyulut nya.

Jojo mujur bulih kunterik nya pengudah ngalahka atlit Muay Thai Russia, Temirlan Bekmurzaev nengah ONE Championship Thailand.

LAIN-LAIN BERITA

BERITA TERBARU