SIMANGGANG: Opis Menteri Dagang Dalam Menua enggau Kos Pengidup Pampang Sri Aman udah meresa ngenyit stor enda nitih atur ti nyimpan 36,500 liter diesel bisi subsidi nengah Op Tiris, Hari Satu tu tadi.
Dua lelaki peranak menua tu beumur entara 30 ngagai 50 taun mega ditan, seduai dipelaba pengempu lori enggau pengempu minyak diesel ngambi mantu ungkup atur pansik.
Sapit Tuai Pegawai Penerit Adat Pelilih Opis Menteri Dagang Dalam Menua enggau Kos Pengidup Pampang Sri Aman, Dorcas Sidi madah, raban sida mega ngerampas sebuah lori tangki, dua lori bansa Prime Mover, 36 tangki nyimpan minyak pemesai 1,000 liter, pam motor enggau paip.
“Ba pansik ngenyit nya, kami tetemuka 36,500 liter diesel enggau sekeda perengka ti dikena ba pengawa salah guna minyak.
“Semua barang ti dirampas nya dipelaba penyampau RM330,875,” ku iya ba sebengkah penerang, ditu tadi.
