KUCHING: Bisi 555 pekebun Sarawak deka nerima pemaik ari bantu kereban betanam betupi berega RM2.5 juta baka dibantai ba Bajet 2024.
Ku Tuai Direktor Kaunsil Koko Malaysia (LKM), Datuk Dr Ramle Kasin, pengawa ngemansang tanah pemesai 512 hektar tu deka belabuh ba Januari 2024 nyengkaum input betanam betupi nyengkaum sum, rachun enggau ke bukai.
“Berindik ari nya, kitai deka pekebun ngaga peminta ti disediaka ngambi bantu ulih diberi ngagai sida ngerembaika pengawa betanam betupi.
“Kami andalka nengah inisiatif nya ulih nambahka agi produktiviti pekebun dudi hari dikena nyungkak ekonomi sida,” terang iya.
Dr Ramle mansutka jaku nya lebuh bejadi Pengawa Nutup Kus Pematih Super Koko Sarawak Renggat Kedua Taun 2023 ba Hotel Harbour View, ditu tadi.
Berebak enggau nya, iya madahka bantu nya penyampau RM9.5 juta ngagai 3,295 pekebun ba tanah pemesai 2,126 hektar.
