600 iku peranak Kpg Long Bemang agi tasah bah

MIRI: Pagi tu tadi, urung 600 iku peranak di Kampung Long Bemang ba Baram ditu diripotka agi tasah laban penusah bah.

Ketuai Opis Bomba enggau Penyah Penusah Miri, Law Poh Kiong madah, Kampung Long Bemang dituntung penusah ampuh bah kenyau ari Hari Lima tu tadi.

“Naka pukul 6.30 pagi kemari, tikas ai entara 1.2 kaki ngagai 2.3 kaki, bebida nitihka blok,” ku iya nerang, ditu tadi.

Ku Poh Kiong, gaya hari manah diripotka ba menua nya tang tikas ai nya jampat niki ketegal bisi ujan kemari (Hari Enam).

“Nitihka penerang, bisi 100 pintu enggau 600 iku diau ba genturung pendiau nya.

“Nitihka ripot ari Raban Bomba Volunteer (PBS) Long Bemang, semua peranak ba genturung pendiau nya endang diau ba rumah magang laban nitihka Atur Tagang Pejalai (PKP), terang iya.

Suara Sarawak