KUCHING: Gerempung Pengintu Pendiau Pengadang Kuching Kuching (Hope Place bisi nyuaka bantu ngagai Joseph Linden, ke mega siku apai tunggal enggau dua iku anak iya, apin lama ke udah.
Kenu ku Pemungkal Hope Place, Kelvin Wan, Joseph nadai ulih nurun gawa pengelama tiga taun ke udah ketegal nyaga anak tuai iya ke timpang pendiau.
“Anak tuai iya, Ireneus Neumann beumur 11 taun ditepan penyakit cerebral palsy kenyau ari ada,” ku iya nengah sebengkah penerang kemari.
Ku iya, Ireneus semina gegaring enggau mesti diberi perati, ngirup tusu peung khas genap tiga jam ngena tiub.
“Tambah mega, Ireneus ngena lampin orang tuai ketegal umur enggau saiz iya udah besai.
“Nangkan ke nya, raban kami sinu meda Joseph ngintu Ireneus enggau siku agi anak indu iuya ke beumur 7 taun kediri-diri,” ku iya.
Taja pia, sida Joseph beterima kasih laban bisi bantu ari kaban belayan enggau Hope Place baka meri lampin enggau tusu ungkup Ireneus.
Nya alai, sida Joseph sebilik bepanggai ngagai bantu ari Opis Pengintu Pendiau Raban Bansa (JKM) sepenyampau RM350 enggau perkeso bini iya.
“Bantu nya aja penatai pemisi sida pengudah bini iya midang ketegal penanggul ati sereta badu bejalaika dagang paip,” ku iya.
Tandu iya, pengidup sida berubah pengudah bini iya midang.
Berebak enggau nya, meransang barang sapa ti bela deka nyaup Hope Place mantu raban orang tusah ulih betelefon nuju lumur 082-505987 tauka meri terus nengah akaun bank MBB: 511289001160 tauka nengah Sarawak Pay / S Pay GLOBAL ba laman facebook Hope Place.
