BAKUN: Pengawa muai apat kayu ba Sungai Linau, Tasik Balui benung chakah dipejalai.

Pengawa nya nentuka peranak dia likun lebuh mindah ke bukai betengahka sungai nya.

Ba sebengkah penerang dikunsi dalam ruai Facebook, Adun Murum Kennedy Chukpai Ugon madahka apat kayu nya udah nekul peranak dia.

“Aku ngarapka pengawa bala ke muai apat kayu nya lanchar dipejalai kitai dekaka peranak ditu ulih ngereja pengawa baka selama.

“Penanggul apat kayu ngalitka kandang tasik tu kebendar udah lama nekul pejalai peranak merau ngerenchah Sungai Linau tu.

“Terima kasih ngagai Serikat Wargana Consortium laban udah bejalaika tanggung pengawa rama (CSR) besaup muai apat kayu tu ke alai sida udah nganjung kereban dikena ngerumban pengawa tu,” terang Chukpai.

Chukpai mansutka jaku nya rambau ngabas pengawa muai apat kayu di Sungai Linau, ditu kemari.