Arap mayuh nyereta kelas main asal – Mabong

Kelas keterubah dipungkal enggau kelas Kain Burie ti berengkah kena 23 Jun tu

INFO

Kelas main asal bukai baka Kelas Ajat Indu Iban, Kelas Sape & Belikan, Birejang Beuh & Biroguong, Ajat Iban Lelaki, Taboh Iban, Kuntau enggau kelas ngaga tangu tauka marik empang deka dipejalai kena 1 ngagai 6 Julai di Indu Opis Sadia Kota Sentosa.

KUCHING: Mensia mayuh sama diperansang nyereta kelas belajarka main asal Dayak.

Ketuai Asadia, mabong Unggang madah ba penggal kedua taun tu, Asadia mengkang chakah ngatur kelas main asal ti bepalan di Kota Sentosa enggau Batu Gong.

Kelas tu berengkah ari 22 Jun tu tadi ngagai 6 Julai ti deka datai.

Kelas keterubah iya nya kelas Kain Burie deka dipejalaika ba Indu Opis Sadia, Kota Sentosa kena 23 Jun tu.

Udah nya, kelas main asal bukai baka Kelas Ajat Indu Iban, Kelas Sape & Belikan, Birejang Beuh & Biroguong, Ajat Iban Lelaki, Taboh Iban, Kuntau enggau kelas ngaga tangu tauka marik empang deka dipejalai kena 1 ngagai 6 Julai di Indu Opis Sadia Kota Sentosa.

Kelimpah ari nya, kelas Ajat Indu Batu Gong, Kelas Betaboh Batu Gong enggau Gendang Pampat Batu Gong deka dipejalai berengkah 1, 3 enggau 4 Julai di Batu Gong.

Tiap bengkah kelas main asal nya tebuka ngagai mensia mayuh lalu ngarapka mayuh agi orang datai belajarka main asal bansa Dayak, ku Mabong.

Penerang ke silik ngagai sapa-sapa ti deka belajarka main asal tu tau telefon ngagai Mabong ba lumbur 012-6925562, kelas Main Asal Iban tau beletefon ngagai Henry Guya ba lumbur telefon 019-8884370 tauka kelas Main Asal Orang Ulu tau betanya ngagai Ngo Hawing ba lumbur telefon 011-19891420.

CHAKAH NGAJAR… Raban pengajar Main Asal Asadia ti meruan chakah ngajar sereta ngemeranak main asal Dayak.