KUCHING: Sistem Transit Aliran Autonomi (ART) keterubah ti disadang datai di Sarawak ba tengan taun tu deka bejalaika Latih Ngenuku Konsep (POC) di Jalai Besai Kota Samarahan.
Ku Chairman Kaunsil Pemansang Ekonomi Sarawak (SEDC) Tan Sri Datuk Amar (Dr) Abdul Aziz, ART kuasa hidrogen nya deka diuji ba timpuh urung setaun lebih ba jalai besai nya.
“Kitai bisi siti ART ti udah tembu di China lalu deka dibai ke Sarawak tengan taun tu ngambi diuji pengelama setaun lebih.
“Kitai deka nguji pengangkut tu ba depo Jalai Samarahan ila,” ku iya.
Abdul Aziz mansutka jaku nya ngagai pemberita pengudah ngulu Pengawa Nyerah Tiga Entukar Toyota Mirai ngagai Sapit Premier Sarawak ba tengah laman Wisma Bapa Malaysia, ditu tadi.
