KUCHING: Gerempung Pengajar Bumiputera Sarawak (KGBS) ngarap nadai agi penanggul politik ti ngirauka rayat menua tu.

Presiden KGBS Ahmad Mahlie madah, sida mega ngarap penanggul polemik politik menua tu diketu enggau jampat.

Ku iya, pekara pemadu beguna ngagai siti perintah baru iya nya ngemeratka nasip rayat.

“Anang ngereja pengawa ti tau ngenusah rayat laban rayat udah meri kuasa parti politik megai menua enggau manah sereta ngintu pengelantang sida.

“Nya alai, pegai manah tanggungpengawa ti udah dilempai,” ku iya madah ngagai Suara Sarawak ba siti penerang berita tadi.