LIMBANG: Semina petara aja nemu jam pemadam seput mensia, nya kebuah baka ni pan penusah nuntung enti bedau maya iya, kitai tetap selamat.
Baka nya mih penguji nuntung dua peranak Brunei ti selamat pengudah kerita ditepan seduai iya ensayar lalu tebelungging ngagai parung di jalai Batu Danau, ditu kemari.
Sapit Pemangku Direktor Tiong Ling Hii madah, ba penusah ke nyadi urung pukul 10 malam nya, dua iku orang ke bebadi tu agi dalam kerita Toyota Avanza lalu semina bakal mimit aja.
Ku iya, orang ke bebadi tu Mohidin Zaman, 76 enggau Mohamamad Kahar, 88.
“Penusah dipelaba nyadi pengudah kerita ke datai ari pasar Limbang nuju Tedungan, ensayar ke kanan jalai lalu tama parung.
“Bekau penusah nya, dua iku orang tu bisi bakal mimit ba tubuh,” ku iya.
Nitihka penerang, seduai iya ba rantau jalai pulai ke Brunei. Pekara nya udah diserah ngagai piak Polis.
