LUNDU: Pengawa bekenaka balai mayuhguna ke disediaka Perintah Sarawak patut dikena manah ungkup negutka penyerakup enggau nyukung pemansang komuniti nengah bemacham aktiviti ngaul komuniti.
Kaban Kunsil Nengeri (ADUN) Opar, Billy Sujang madah, perengkaguna nya ukai semina siti begunan aja, tang nyadi palan ngempung komuniti nengah aktiviti rama, pelajar enggau main asal.
“Balai tu ukai semina siti begunan, tang nyadi nalan ke deka ngempung komuniti nengah bemacham aktiviti ke meri pemaik ngagai serap peranak,” ku iya.
Iya nibar ke jaku nya ba Pengawa Bejadi Balai Mayuhguna Kampung Serayan Baru, ditu, Hari Enam.
Billy ngarap ke perengkaguna nya ulih dikena manah serap komuniti nyengkaum raban nembiak, indu enggau orang tuai ungkup pengelantang komuniti menua nya.
Iya mega bisi bekunsi perambu nyeruri gelanggang futsal enggau gelanggang bola tampar di genturung pendiau nya dikena nyendiaka fasiliti rekreasyen enggau lumba ke lantang agi ngagai peranak lebih agi raban nembiak. -EDISI UKAS
