KUCHING: Bangkai siku lelaki ke udah but enggau enda dikelala nama nama ditemu dalam sebuah parit semak taman rekreasyen Wisma Bapa Malaysia malam tadi.
Sapit Ketuai Polis Pelilih Kuching, Superintenden Merbin Lisa, ngenukuka piak sida bisi nerima ripot pasal penusah nya ari mensia mayuh urung pukul 10.40 malam.
Berindik ari nya ku iya, sekeda raban polis udah diasuh ngesah ngagai endur penusah ngambi bejalaika pansik tumu.
“Ari pansik tumu dipejalai ba endur nya, endang bisi bangkai siku lelaki ngena tanchut jeans ditemu dalam parit ti nyau deka luluh.
“Ari gaya bangkai nya, kitai pechaya niang udah parai ngelui ari dua hari,” terang iya lebuh dirandau tadi.
Ku Merbin, sida nadai tetemuka kelai bisi pengawa ke salah dia lebuh pansik dipejalai.
