KUCHING: Produksyen Sumpahan Jeruneingatur pekit ngaga poster ungkup filem ti deka dipandang bulan Julai tu.
Pekit nya nyadi pelasar nembiak mantaika kreativiti sida ngaga poster seraya meri penerang ngagai nembiak nengah promosyen ba makit filem antarabansa.
Nuju sida ti deka masuk pekit ngaga poster filem Sumpahan Jerunei diperansang meda ba akaun Instagram @sumpahanjerunei ngambi nemu penerang pemadu baru.
Ba renggat keterubah, semua penyereta deka dipandang ba akaun Instagram ngambi diserenih nengah bemacham renggat.
Ba renggat keterubah, penyereta dipinta mantaika poster ba akaun Instagram sida lalu penyereta ti bulih pemadu mayuh kelai ‘like’ sebedau 31 Mei deka dipasuk ngagai renggat semifinal.
Ba renggat semifinal, semua penyereta deka diakim panel akim ari palan pelajar tinggi bebida. Lima finalis deka dipilih akim bepeneleba ba renggat tu.
Champion deka bulih perais RM1,000 enggau telefon pintar Realme 3 Pro seraya sagu ati diberi ngagai pemenang lumur dua ngagai lumur lima.
