KUCHING: Perintah Sarawak setuju mayar duit simpan RM60 setaun ngagai 25,813 orang ti udah berejister di baruh program i-Suri Wang Turu Pengereja Pengawa (KWSP) di menua tu.

Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Seri Fatimah Abdullah madah, penyampau nya diambi ari rikod penerima e-Kasih di Sarawak ti dirikod bisi 66,120 iku.

“Sebedau rejister diri ba i-Suri KWSP, sida meseti rejister di baruh program e-Kasih; kategori orang seranta enggau orang umang.

“Nyadi diatu, ari penyampau penerima e-Kasih tu bisi 37,784 iku bedau rejister ba program i-Suri KWSP,” ku iya.

Fatimah bejaku munyi nya ba aum media i-Suri KWSP di Bengunan Baitulmakmur ditu tadi.

Tandu iya, Perintah Besai mega deka nambah RM480 ba baruh program nya ngagai genap iku sida ti udah rejister.