KUCHING: Begunan Pos Opis Besai di Jalai Tun Abang Haji Openg ditu entara rintai tanah diambi Perintah Besai patut dipulai ngambi digazet nyadi begunan sejarah,
Premier Sarawak Datuk Patinggi Tan Sri Abang Johari Tun Openg madah, perintah endang bisi niat deka ngambi pulai begunan ikonik nya laban ke nyadi pesaka berega ngagai menua tu,
“Kitai endang deka ngambi baru Begunan Pos Opis Besai tu laban nyadi begunan pesaka, ikonik enggau bisi sejarah.
“Nya kebuah iya endang patut diberi pulai ngagai Sarawak,” ku iya nyemetak.
Abang Johari madah ke niat nya lebuh dirandau pemberita pengudah Pengawa Gempuru Ma’al Hijrah Renggat Sarawak Tahun 1445H/ 2023 di Dewan Kompleks Islam Sarawak, ditu tadi.
Taba Begunan Pos Opis Besai di Jalai Tun Abang Haji Openg mega entara tanah ti dipinta ngambi dipulai baru laban nadai dikemansang kenyau ari diambi Perintah Besai.
