KUCHING: Perintah Sarawak dipinta meri elaun sekali beri ngagai veteran penerima Pingat Jasa Malaysia (PJM) ba menua tu kelai ngaku jasa sida ti udah nyaga pengelantang enggau pengelikun menua.
Ku Presiden Gerempung Veteran Tentera Kor Renjer (PVTKR), Kol (B) Mohd Melintang Abdullah, sida deka mantaika pekara tu ngagai Perintah Sarawak.
“PJM tu pengawa ngaku ngagai semua soldadu ti gawa dalam Angkatan Bersenjata enggau udah gawa nyaga pengelantang enggau pengelikun menua kelebih agi ba jeman komunis.
“Ngarapka Perintah Sarawak ulih berundingka peminta tu,” ku iya ba sebengkah penerang pengudah Aum Besai Ninting Taun (AGM) Kelapan PVTKR di sebuah hotel, ditu tadi.
Ku Mohd Melintang nyemetak, mayuh ti kala gawaka menua enggau pinchin napi pemar ekonomi ketegal rega barang niki enggau kos pengidup majak nambah.
