LATVIA: Siku anak chapi bechura biru ti jarang ditemu sereta nyau deka punas diaku nyadi kelai menua Latvia.
Sebengkah cherita madahka chura biru nya datai ari ai tasik tang kebendar anak chapi nya ada enggau bulu bechura kuning pudar tang chura nya berubah berebak ari ubah jeman.
Bulu bechura biru nya mai empas ngagai dagin chapi nya empu ti bechura chelum agi ari dagin chapi ti bukai.
Nambahka nya, chapi biru nya semina ngeluarka susu 5,000 liter aja enti dibanding chapi bukai ti ngeluarka urung 8,000 liter susu.
Ba taun 2006, Gerempung Chapi Biru udah ditumbuh dikena nyaga bansa chapi nyelai nya ari punas.
Taja pen nyelai tang chapi biru idup lama agi ari chapi bukai, tan ngelaban igi penyakit enggau ulih idup ba musin chelap.
