KUCHING: Diskaun bayar saman trafik manggai 50 peratus ngagai mensia mayuh deka dipejalai nyerumba pengawa ngelancharka Ops Selamat Krismas 2019 ba Dewan Komuniti Siburan, 18 Disember tu.
Pengari Indu Opis Polis Kontinjen (IPK) Sarawak madah, diskaun nya diberi ngagai semua saman kelimpah ari bansa saman ditetapka trafik.
Kenu ku iya, kaunter bayar ari Opis Pansik enggau Penerit Adat Trafik (JSPT) deka disedia dia berengkah ari pukul 11 pagi nyentuk 4 lemai.
“Mensia mayuh diperansang meresa tumu ba sebarang kaunter polis trafik pasal penerang saman sereta bansa saman dikena minta diskaun.
“Sekeda bansa sama dikeluang ari diberi diskaun nyengkaum penusah bebadi, saman status enda bekompaun, waran semasa, bechara, saman dalam timpuh Ops Selamat enggau penyalah ngaul entukar dagang besai,” terang iya.
