Dua lelaki dipelaba lemas ba Sungai Batu Keling

MUKAH: Dua iku lelaki dipelaba lemas pengudah perau dikena seduai iya lungkup lalu karam lebuh narit ikan ari pukat ba Sungai Batu Keling Belaga, ba ditu kemari.

Orang ke lenyau nya benama Wahab Jabu, 50-an ari Kampung Tellian Ulu enggau siku bakih China ari Sibu (bedau dikelala nama) ngagai Belaga laban deka mukat ikan,lemai kemari

Kepala Polis Pelilih Sibu Stanley Ringgit ngesahka pekara tu madah, polis nerima ripot ari menyadi lelaki nya, Sinsoon Jabu lalu udah bejalaika pengawa ngiga enggau nyelamat.

Nitihka infomasyen, lebuh penusah nya nyadi lelaki nya enggau bakih iya benung mindahka ikan sebedau perau lungkup lalu ditabanka arus deras.

Endur nya nyadi semina lima kilometer ari Tekat Bakun enggau ditemu endang ngembuan arus ke deras.

Suara Sarawak