Dua pesakit Covid-19 peranak Indonesia ti lari ditemu malam tadi

KUCHING: Dua iku melaki bini peranak Indonesia ti positif Covid-19 sereta dipelaba ngelarika diri udah ditemu raban Indu Opis Polis Pelilih (IPD) Kuching enggau Opis Menteri Pengerai Malaysia (KKM), ditu mala tadi.

Kepala Polis Sarawak, Datuk Aidi Ismail lebuh dirandau ngenukuka kededua iku peranak luar tu, iya nya Darussalam enggau Hasanah mujur ditemu ba jalai siti genturung pendiau semak Jalai Matang Baru urung pukul 11.15 malam.

“Ungkup penerang, piak IPD Kuching begulai enggau KKM udah mujur tetemuka dua iku melaki bini ti ditukuka positif Covid-19 nya.

“Kededua saspek udah dibai ngagai Sepital Besai Sarawak (SGH) ngambika diperubat enggau atur bukai,” ku iya nerang, ditu tadi.

Suara Sarawak