KUCHING: Dua sekula misyen ba sitak Batu Kitang ditu kemari nerima agih belanja Sekula Misyen Sarawak ba baruh Unit Pekara Pengarap Bukai (UNIFOR).
Sekula Primari (SK) St David, Kampung Bumbok nerima agih belanja sepenyampau RM110,000 lalu SK Sacred Heart, Kampung Semeba nerima agih belanja RM138,000.
Kaban Kunsil Nengeri (ADUN) Batu Kitang, Datuk Lo Khere Chiang diberi basa nyuaka agih belanja nya.
Iya madah, pengawa meri agih belanja nya dikena nyeleti fasiliti pelajar enggau nyendia gaya belajar ti kondusif ungkup bala nembiak.
Terang iya, bantu nya bukti pengeransing perintah nambah standard pelajar enggau nyukung sekula misyen ba sitak nya.
