KUCHING: Aum kepenudi penggal kelima Kunsil Nengeri (DUN) Sarawak Ke-19 berengkah ari 12 Oktober tu pengelama lapan hari, engkau empat rang undang-undang (RUU) deka dipejurai.
Speaker DUN Sarawak, Tan Sri Datuk Amar Mohamad Asfia Awang Nassar madah, jurai dibantai ba aum ti tembu kena 21 Oktober nya nyengkaum RUU Belanja 2027, RUU Belanja Tambah 2026, RUU Librari Nengeri Sarawak (Ubah) 2026 engkau RUU Kemisi Hari Besai (Ubah) 2026.
“Premier Sarawak, Datuk Patinggi Tan Sri Abang Johari Tun Openg deka mantaika RUU Belanja 2027, engkau bacha keterubah sereta kedua ditiga 12 Oktober, lalu bacha ketiga kena 21 Oktober.
“Kaban Kunsil Nengeri ulih bejuraika rang undang-undang tu berengkah ari Hari Tiga, 14 Oktober nyentuk Hari Lima, 16 Oktober,” ku iya ba aum media di Indu Opis Parti Pesaka Bumiputera Bersatu ditu, kemari.
Ku Asfia, Sapit Premier Sarawak, Datuk Amar Douglas Uggah Embas deka mantaika RUU Belanja Tambah 2026, engkau bacha keterubah kena 12 Oktober, seraya bacha kedua engkau ketiga kena 14 Oktober.
“Seraya Menteri Pelajar, Inovasyen engkau Pemansang Penau Sarawak, Datuk Seri Roland Sagah Wee Inn deka mantaika RUU Librari Nengeri Sarawak (Ubah) 2026, ke ditiga dibacha keterubah kena 12 Oktober engkau bacha kedua sereta ketiga kena 13 Oktober.
“RUU Kemisi Hari Besai (Ubah) 2026 deka dibantaika Sapit Menteri ba Opis Premier Sarawak, Datuk Sharifah Hasidah Sayeed Aman Ghazali, ke deka dibacha keterubah kena 12 Oktober engkau bacha kedua sereta ketiga kena 13 Oktober,” terang iya.
Asfia madah, aum sekali tu deka meda pengawa milih senator baru laban timpuh Senator Michael Mujah Lihan deka abis kena 10 Disember 2026.
Nambhaka nya ku iya, 336 tanya lisan engkau betulis dibantai 40 ADUN naka haribulan kepenudi 28 September tu tadi.
