KUCHING: Sepenyampau 48 Tuai Raban Bansa engkau Tuai Komuniti (KMKK) Kunsil Nengeri (DUN) Bukit Begunan bisi nemuai ngagai DUN Sarawak serimba Aum Kedua Penggal Kelima DUN Sarawak ba Kompleks DUN, ditu, ensanus.
Ngena peluang nya, Kaban Kunsil Nengeri (ADUN) Bukit Begunan, Datuk Mong Dagang mega bisi berandau sambil begambar ungkup kenang engkau bala KMKK.
Ke rikod, 48 KMKK nya nyengkaum dua Penghulu bela ngena peluang nya nambah penemu engkau peneleba diri ngagai DUN Sarawak.
Bala tuai rumah ti bisi datai kia mega madahka diri ukai semina bulih penemu baru tang mega bulih penleba berega laban ulih ngindik kaki ngagai siti ari begunan ti chukup tebilang sereta besai reti ba pemansang Sarawak.
Tambah mega, siku ari tuai rumah ari Bukit Begunan, Tuai Rumah Inchang anak Lagor madahka peluang datai ba Kompleks DUN Sarawak begulai engkau bala bukai ulih nambah penemu bekaul aum sereta pangku pengawa institusyen undang-undang nengeri ba atur pemansang Sarawak.
