KUCHING: Enam iku rayat menua luar tama nadai pemendar (Pati) ditan laban nguji tama belalai semak garis entara Malaysia-Indonesia ari Entikong, kemari.
Markas Divisyen Pertama Infantri Malaysia (1 Div) madahka, pekara nya nyadi malam nya lebuh sebuah tim pemeresa pengelikun di jalai chit diuluka Sarjan Muhd Nasaruddin Hamdan.
“Urung pukul 11.45 malam, bisi enam iku orang ke dipeda nyelaipendiau dipelabaka Pati benung bejalai nuju ke Malaysia nengah garis adan entara Malaysia-Indonesia ari Entikong.
“Udah ditan enggau diperesa, Pati nya mai kantung, empat telefon binching sereta mata duit RM150 lalu penyampau barang nya dipelaba RM300,” ku iya nengah sebengkah penerang media, tadi.
Taja pia, semua Pati ti ditan nya diburu pulai baru ngambika kes pengerekai Covid-19 enda ngerembai ba Palan Ngetan.
Ku iya, pekara nya seriris enggau gerah ti dipadahka Menteri Kanan Pengelikun Datuk Seri Ismail Sabri Yaakob ti madahka OP Benteng meri fokus muru Pati ari ti nangkap sida.
Kes nya nyadi ba sektor OP Benteng palan Briged Ketiga Infantri Malaysia (3 Briged) ari Tim Batalion Ketiga Belas Rejimen Askar Melayu Diraja (13 RAMD), lalu ripot polis udah digaga ba Balai Polis Tebedu.
Soldadu Darat Malaysia (TDM) kelebih agi tim ba Sarawak endang terus komited, fokus enggau besedia sebarang maya.
Nya seriris enggau pejalai OP Benteng ti endang deka nyaga garis entara menua ari dirembus Pati ngaga pengawa salah kelimpah nagang pengerekai penyakit Covid-19.
