GAZA CITY: Pengudah mata panas padam, mayuh peranak ba Genting Gaza enda ulih tinduk ketegal balat takut.
Panchar ari langit ngelamun Gaza enggau bunyi utai meletup ngasuh sida rawan lalu enda ulih tinduk.
Kenyau ari Hari Dua tu tadi, peranak Gaza petang tegayam pengudah Israel mutung bekal karan dikena ngukum sida.
“Malam ba Gaza chukup ngenakutka ati. Menua ditu petang tegayam, asai ke diau ba baruh punggu.
“Maya kami deka tinduk tauka bejalai, menua asai berenyang.
“Bisi 11 iku besemak enggau aku ditu parai ketegal penusah besai tu.
“Diatu endur aku diau balat bebau bom Israel,” ku Omar Alnajjar ti diau di Gaza.
