ARTIKEL

Gelembung Dagang Temuai dipejalai nganti atur ngilah menua dikemendar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SANBTUBONG: Inisiatif Gelembung Dagang Temuai nyangka deka dipejalaika ba Sarawak nyema pejalai ngilah nengeri udah dikemendar, ku Datuk Seri Nancy Shukri.

Menteri Dagang Temuai, Seni enggau Main Asal (Motac) nya madah sida udah sedia bejalaika atur nya di nengeri tu laban ditu endang mayuh palan dagang temuai ke manah.

“Kitai ngarapka raban Perintah Besai nyengkaum Kaunsil Pengelikun Menua (MKN) meri pemendar ungkup pengawa ngilah nengeri udah tu.

“Enti nya udah dikemendar, Motac deka bejalaika Gelembung Dagang Temuai ba Sarawak laban mayuh palan dagang temuai ke manah ulih dilawa nyengkaum projek ke udah dilanggar,” ku iya.

Kaban Parlimen Batang Sadong nya mansutka pekara nya nyerumba pejalai gawa enggau bejadika Projek Ngemanah Atap Struktur Kampung Budaya Sarawak ditu, kemari.

Kenu ku iya, atur pengawa standard (SOP), pejalai ngilah nengeri deka dikemendar enti lebih 90 peratus raban orang besai tuai udah genap tuchuk dua dos vaksin.

“Ari penerang ke diterima, udah mandangka orang besai tuai ke ke udah genap tuchuk dua dos vaksin Covid-19 diatu udah manggai penyampau ke diselinting.

“Nya alai, ngarapka raban Opsi Menteri Pengerai Malaysia (KKM) meri pemendar enda lama agi,” ku iya.

Berebak enggau nya, ku iya projek pemungkal Gelembung Dagang Temuai ba Langkawi ke berengkah kena 16 September tu tadi diperati mujur matak mayuh penatai temuai iya nya manggai 38,748 temuai raun kia lalu penatai pemisi diulih lebih RM15 juta dalam timpuh dua minggu.

“Pemujur tu meri peransang ngagai kami bejalaika inisiatif ke sama ba pulau ke manah ba endur bukai dikena matak penatai temuai raun nyengkaum ke Sarawak.

“Pia mega inisiatif di Langkawi endang chunto pemadu manah nyadi gelembung dagang temuai entarabansa keterubah di Malaysia,” ku iya.

Ku Nancy, Motac mega merambu sekeda program besai ba Sarawak dikena nyungkak aktiviti dagang temuai ba nengeri tu nyengkaum ba Kampung Budaya Sarawak.

“Entara nya Damai Virtual Run ke diperambu kena 1 Oktober nyentuk 15 November, Drama Muzikal Putri Santubong kena 11 enggau 12 Disember enggau Maraton Jematan Batang Sadong ke diperambu diatur kena Disember tu,” ku iya.

BERITA LAIN

BERITA TERBARU

PM Thailand disahkan positif COVID-19

BANGKOK, Thailand: Perdana Menteri Thailand, Srettha Thavisin, mengesahkan semalam bahawa beliau positif COVID-19. Srettha mengumumkan di akaun rasmi X miliknya bahawa beliau akan mengambil cuti

Tulisan beracun

MATA pena lebih tajam daripada mata pisau. Sama seperti pisau yang dapat digunakan untuk mengukir, alat yang sama juga dapat digunakan untuk membunuh. Pisau dapat

Zii Jia juara Terbuka Australia

KUALA LUMPUR: Pemain perseorangan lelaki profesional negara, Lee Zii Jia meraih gelaran kedua musim ini selepas  merangkul kejuaraan Terbuka Australia 2024 dengan menewaskan wakil Jepun