KUCHING: Gerempung Gerija Sarawak (ACS) deka ngatur gempuru Servis Krismas Begulai 2023 kena 14 Disember tu.
Sekretari Besai ACS Elder Ambrose Linang madahka program nya deka diatur ba Balai Besai Kristian Ecumenical ACS di Jalai Stampin berengkah pukul 7.30 lemai.
“Servis sekali tu ngena rambai jaku Jesus, The Promised One, lalu komiti besai pengatur raban Borneo Evangelical Mission (BEM) diuluka Elder Harry Pudun enggau Sekretari Ronney Kee Leong.
“Bishop Kuching Rt. Rev. Datuk Danald Jute enggau Presiden BEM Rev. Bina Agong entara sekeda temuai dipebasa ti bisi datai ti deka meri jaku lalau,” ku iya.
Ambrose bejaku munyi nya rambau aum pemberita Servis Krismas Begulai 2023 ba Opis ACS di Jalai Stampin ditu, tadi.
Ku iya, servis sembah enggau puji rambau program nya deka diatur dalam jaku Melayu, English, Mandarin, Selako enggau Iban.
